5 օր շարունակ Չեխոչինեկ քաղաքը դարձել էր երաժշտության միջազգային մայրաքաղաք։ Եվ այս ամենը Vistula Sounds-ի պատճառով: «Vistula Sounds Ciechocinek. Kujawsko-Pomorskie" 2-րդ միջազգային վոկալ մրցույթ-փառատոնը Չեխոչինեկ է բերել ավելի քան 100 երգիչների և վոկալ անսամբլների 17 երկրներից, այդ թվում՝ Վիետնամից, Լիբիայից, Կուբայից, Հայաստանից և Իսրայելից, ինչպես նաև եվրոպական շատ երկրներից, այդ թվում՝ Լեհաստանից։ Դա մի արտասովոր երաժշտական ​​տոնակատարություն էր։ 

Հիշեցնենք, որ Սարը այս բացառիկ միջոցառման հեղինակն ու գեղարվեստական ղեկավարն է, ով Փառատոնի պաշտոնական բացման և փակման համերգների ժամանակ հանդես եկավ իր գեղեցիկ երգերով։

Փառատոնն անցկացվում է Լեհաստանի Կույավսկո-Պոմերանյան վոյևոդության նահանգապետի ու մարշալի, ինչպես նաև Չեխոչինեկի քաղաքապետի պատվավոր հովանու ներքո:

Մանրամասները Փառատոնի կայքում Vistula Sounds. 

 2023 թվականի ապրիլի 23-ին, Լոձ քաղաքի «Տեմպլում» համերգասրահում, ԼՈՁ քաղաքում Հայոց Ցեղասպանության զոհերի հիշատակի օրվան նվիրված արարողությունների շրջանակներում երգիչ՝ քնարական բարիտոն Սար Սարգսյանը հանդես եկավ «Կռունկ Հայոց» խորագրով համերգային ծրագրով։ Ծրագրում հնչեցին հայ կոմպոզիտորների ստեղծագործություններ։ Դաշնամուրի նվագակցությունը կատարեծ դաշնակահար, գործիքավորող, դիրիժոր Յակուբ Չեխը (Լեհաստան)։Կազմակերպիչներն էին Լոձում Հայաստանի Հանրապետության պատվո հյուպատոսությունը եւ «Նաիրի» հայկական կրթամշակութային կենտրոնը:Միջոցառմանը պատվավոր հյուրերն էին` Լեհաստանում ՀՀ դեսպան Սամվել Մկրտչյանը, Լոձում ՀՀ պատվո հյուպատոս Ռաֆալ Խոման, ինչպես նաև Լեհահայոց հոգևոր հովիվ Հայր Տարոն Վարդապետ Ղուլիկյանը:Ելույթ ունեցան նաև կիթառահարներ Արամ Սայեղը Վրոցլավից և Անրի Մուրադյանը Կրակովից, մենակատար Արամ Ջաբաղջուրյանը Հայաստանից ու «Նաիրի» կենտրոնի սաները:Հատուկ շնորհակալություն ենք հայտնում կազմակերպիչներին հրավերի ու ջերմ նդունելության համար: Անչափ շնորհակալ ենք հանդիսատեսից մեզ պարգևած ոգեշնչման անմոռանալի և հուզիչ պահերի համար:

2023 թվականի ապրիլի 23-ին, Լոձ քաղաքի «Տեմպլում» համերգասրահում, ԼՈՁ քաղաքում Հայոց Ցեղասպանության զոհերի հիշատակի օրվան նվիրված արարողությունների շրջանակներում լեհաստանաբնակ հայ երգիչ՝ քնարական բարիտոն Սար Սարգսյանը հանդես կգա «Կռունկ Հայոց» խորագրով համերգային ծրագրով։ Ծրագրում կհնչեն հայ կոմպոզիտորների ստեղծագործություններ։ Դաշնամուրի նվագակցությունը կկատարի դաշնակահար, գործիքավորող, դիրիժոր Յակուբ Չեխը (Լեհաստան)։Կազմակերպիչներն են Լոձում Հայաստանի Հանրապետության պատվո հյուպատոսությունը եւ «Նաիրի» հայկական կրթամշակութային կենտրոնը:

Սիրելիներս, 2022 թվականը մոտենում է իր տրամաբանական ավարտին:Այս տարի Սարի գեղարվեստական ​​կյանքում շատ բան է տեղի ունեցել, եղել են համերգներ, փառատոներ, մրցույթներ, ձայնագրություններ։ Սակայն ամենակարեվորը Չեխոչինեկ քաղաքում "Vistula Sounds" միջազգային վոկալ փառատոն - մրցույթի հիմնումն էր, որը արտիստի երազանքն էր։ Նա դրա հեղինակն ու գեղարվեստական ​​ղեկավարն է։ Այս քաղաքի, նրա իշխանությունների և բնակիչների հանդեպ երախտագիտությունից ելնելով Սարը պատրաստեց ամանորյա անակնկալ, այսինքն՝ Չեխոչինեկի մասին հայտնի երգի իր տարբերակը ՝ "Na deptaku w Ciechocinku" վերնագրով։ Երգը երգչի համար բավականին մարտահրավեր էր ոճային առումով, բայց հուսով ենք, որ այն լսելը հաճույք կպատճառի նրանց համար, ովքեր սիրում են Չեխոչինեկ քաղաքը և Սարի երկրպագուներն են։ Երգում ասվում է, որ «ով ծիծաղում է, չի մեղանչում, նա ավելի առողջ է ու երջանիկ»։ Սարի հետ միասին բոլորիդ մաղթում ենք բազում ծիծաղ և ուրախություն 2023 թվականին: Ուրախ Նոր Տարի: